• 龍應台
  • 2007年08月29日
  • 艱險指數
  • 念慈指數
  • 庵友:流求晴
  • 修行路線
  • Bookmark and Share

《龍應傳說》:

在遠古的黃龍谷,住了數個神聖的部落。每年農曆七月十七,每個部落會各自派出一名代表,到神龍腳下的祭台舉行祭禮,尋求神龍的旨意。如是者過了幾十年,某年的七月十七,他們終於得到了神龍的回應。神龍賜給他們一顆天上的明珠,並命令他們將明珠放在祭台中央,每年春秋供奉,便會得到永遠的平安。可是,部落竟為了爭奪神龍腳下的明珠而大動干戈,因而激怒了神龍。在神龍的號令下,一座巨塔從天而降,封印了明珠…

失去了神龍的眷顧,部落隨即被滅絕。巨塔與大自然融合,化身為巨岩,並把原來的祭台一分為二;神龍化身成瀑,守護著腳下巨塔內的明珠…而傳說中的祭台,就是今天的龍應台…

東涌起步,黃龍坑道直入,浴血之地入澗。實行一貫既玩法,快速上溯至龍尾瀑,返落黎先慢慢玩齊所有景點。臥龍長嘯。

黃龍瀑。

三龍峽潭。左龍瀑。順帶一提,肥求今日狀態好差,舉步維艱唔在講,仲要經常無啦啦跣低,唯有祝佢好運…

龍尾瀑。

回程,係時候放慢腳步細賞身邊既一切。右龍瀑,相比起左龍黎講顯得比較柔,亦比較陰濕。坐井觀天,更可以望到左龍一角。

再次路過左龍,由右邊壁底上攀,頗有難度,但由於呢個位係上溯左龍既主要入口,所以壁邊經已設置左無數條大麻繩可供故作浮誇…

左龍巨壁。根據《龍應傳說》,龍應台被石塔一分為二,而家身處既位置係右台,一般黎講上落左龍既行友都會經過,睇慣睇熟;相反,另一邊廂既左台仍然充滿神秘感,多年來幾乎無人問津。要由右台直接前往左台,大致上有三個方法:一.正攀石塔再由另一邊下降;二.從外橫移繞過石塔;三.穿越石塔與巨壁之間既瀑巷。今日黎講好明顯三個方法都唔係太適合我地…

游繩落返三龍峽澗床,繼續落澗。經過左台下方,好隨意咁向上望,意外發現上攀左台既一線暗棧,經過一輪觀察後認為可行性頗高,手腳位良好,而且險度唔高,值得一試。判斷正確,塊壁大致上唔係太艱險,只要小心近頂既一兩個暴露位就可以。成功到訪傳說中既龍應左台,一秒感動…


左台一景。

攀上守珠巨塔,親近一下眼前既神龍。一探左龍巨壁…底部,回望腳下既龍應左台,靚。提提各位親愛既行友,雖然由左台上攀左龍巨壁看似可行,但各位最好都係保持冷靜…=_=

賞罷龍應台,重拾暗棧,環顧四周,感受一下三龍峽既大氣。

沿澗下降至黃龍瀑大休。

…=_=

休到夠先起步,按計劃沿澗離開,但係去到藏龍澗口終於都按捺不住…沿藏龍石澗上溯,進入龍吟峽。

龍吟三瀑之一,天梯瀑,瀑布左壁就係著名既天梯崖。

天梯瀑頂有天池一個,上接數疊小流瀑。未幾,眼前出現一個極華麗既瀑景,龍吟三瀑之二,龍髯瀑,藏龍群瀑黎講佢算係我的最愛。

龍吟三瀑之尾瀑,無名,亦有人稱之為鬼頭瀑。

從瀑右上攀,呢個算係全澗最騎呢既位置(藏天瀑當然另計),話難唔難,話易唔易,小心應付便可。

鬼頭石後澗道三分,左有飛絮崖,右邊格仔瀑頂再分中右兩源,右為主源,中源過黃龍坑郊遊徑後有又名龍頭崖飛瀑既藏天瀑。入溯主源,過多三兩個開揚位就會進入原始森林段,回想n年前玩九龍既時候,呢一段真係幾令人崩潰,幸好今日崩潰既唔係我,係肥求…上到咁上下可以轉入右邊乾坑大路離澗,節省一段陰濕悶途直出郊遊徑,非常好。

最後難免要做個傷膝青年,經觀龍台急降天國的階梯出東涌完成。

bkppl

top