- 老虎坑
- 2004年08月09日
- 艱險指數
- 念慈指數
- 庵友：流邦，流領隊
- 修行路線
＊香港有兩條老虎坑，一在港島，一在屯門，行友慣以老虎坑以及屯門老虎坑分別稱之。這也不難理解，因為前者之景色的確遠勝後者。
＊浪琴園入澗，經過一小段平流，澗道突然向左拋，眼前出現一幅寬廣巨壁。
＊巨壁中間有一個幾靚既潭仔，潭邊有唔少塗鴉，相信平時會有唔少街童入黎玩水。左手邊小心上攀，手腳位唔太靚但尚算可以，由於真係幾高下，心理壓力係有架…巨壁頂可以回望返整段落差位，頗有氣勢。
＊壁頂行前兩步已經到引水道，越過引水道再上，大澗風貌依然，闊得黎又有唔少落差位。一個轉右既大拐彎，出現全澗最可觀既一連串潭瀑。
＊進入峽谷地帶，左馬坑右老虎。繼續沿澗上溯，好快就會見到峽谷盡頭既飛瀑。
＊死胡同既格局真係幾特別，瀑底既淺潭亦係玩水既好地方。左邊直壁可以上攀，險而不難，唔爬既話可以兜山路。
＊上攀途中望下右壁，完全不能上攀，壁頂仲有兩舊風化到爛晒既危石…回望瀑底既小潭。
＊瀑頂以上澗道收窄，進入澗源平流區，分源位行右邊，再跟絲帶一路沿荒坑石河直剷上長連山，大熱天時剷林真係好難頂…=_=剷完一大輪，絲帶會將你引落孖崗坑。沿坑下降，又密又跣，仲要臨落到大路先有幾滴石隙水，真係垃圾坑黎…成功脫苦海，大路中塘出塘口搭車逃走。