• 飛鵝夜太美
  • 2008年12月24日
  • 艱險指數
  • 念慈指數
  • 庵友:流曉勤
  • 修行路線
  • Bookmark and Share

對於庵友們黎講,飛鵝可算係朝見口晚見面既一座名山,加上佢既地理位置交通十分便利,的確係半日閒遊既不二之選。飛鵝西南麓倚天日落二脊之間一帶統稱鵝肚,路線可自由配搭,難易度亦可以好diverse,而是次黃昏閒遊則取其最易者,用眼睛穿越鵝肚…而對於呢篇遊記既title,一大堆好名相繼pop-up,日落倚天鵝,夜降飛鵝,日鵝夜鵝,倚倚鵝鵝,etc…=_=

十五時兩刻彩虹集合起步,向飛鵝大方向前進,路過彩輝斜坡,當然要上去黎返個鵝肚全景模式,順便回顧一下n年前做先鋒攀過遺失左十幾廿年既佇鷹脊,以及中了好朋友們既伏而被迫以校服造型一登佇人右脊等等既修行史…貫徹閒遊模式,捨棄坑渠捷徑,乖乖地沿馬路步上扎山道。

路過鵝肚群脊既登山口,至倚天脊大路才開始登山。穿過初段植林路段既晨運園地後,草坡小徑沿脊緩緩上引,景觀亦漸見開揚。

倚天脊中段既小石台。未幾,已臨倚天岩下。

藍天。耶穌。

耶穌。藍天。

倚天岩頂既兩位長老,正在共偕連理…沿大路自岩左上攀,岩頂附近有一別緻既矮竹林。

經過多年修行,他們合體了…倚天岩頂下望佇人坑巒。

佇人右脊。數位相機塗鴉。倚天岩頂一段漸趨平緩,離脊頂十字路口不遠矣。

天上的>。倚天岩上的人。

一登鵝頂,附加左高清訊號果然唔同d,景色十分怡人,東瞰牛尾海,西眺九龍群峰,遠方更有懸浮煙霞之上既大帽。

窮山之高後,沿日落脊下山去。飽歷人工侵蝕既大上托。

未幾,草坡變成了岩脊,漸見險勢。

再未幾,一斷崖自脊旁突起,極具氣派,是為自殺崖。崖頂設有三角石咀乙個,具備多重功能,包括睇風景,拍攝造型照,談下情說下愛,食下生果,墮下崖等等…

沿大路自崖邊急降,未多兩次幾之後,望向自殺崖中段,會出現一個造型極浮誇既懸空石台,設有暗棧一道橫移而至。石台上既兩位長老,一下唔小心差錯腳真係隨時成為念慈庵首兩名殉道者,或是首對殉情者…=_=

繼續沿日落脊大路下降,晚霞景致變成了夜景模式,腳下既小路陡峭得有點虛無。

夜太美,儘管再危險…

左轉高危路,黑著眼眶熬著夜繼續摸黑落山,由於環保既庵友們故意棄用電筒,路段變成invisible,兩位長老先後黎左幾次花樣滑冰,作為住持既除左盡情恥笑之外真係幫唔到d乜…抵飛鵝山道前黎個腳架模式全員合照,將快門調成了慢門,結果出現了飛鵝山影,黑夜藍天,以及孤魂野鬼兩隻…最後出茶寮坳沿馬路落山,同袁彩雲黎個d模式作結,共渡平安夜。

bkppl

top