• 雁谷杜鵑緣
  • 2007年04月05日
  • 艱險指數
  • 念慈指數
  • 庵友:流邦,瑤林
  • 修行路線
  • Bookmark and Share

杜鵑係馬鞍山三寶之一,而香港六種原生杜鵑(香港杜鵑,毛葉杜鵑,南華杜鵑,羊角杜鵑,華麗杜鵑,紅杜鵑)於馬鞍山亦有相當廣泛既分佈,每年三四月間既花海吸引一眾惜花之士,到山上一賞『四廂花影怒於潮』,『四山花影下如潮』既艷麗景緻。

馬鞍山起步,良友路直上燒烤場,吊手岩大路左轉入雁谷迷徑。今日既雲線位於500ML左右,春天黎講已經算非常好。

沿雁谷迷徑橫移,海拔較低既位置好容易搵到大量紅杜鵑。今年既花況比較遜色,要感受真正既『映山紅』,唯有明年今日再臨。

雁谷既環境極陰濕,周地都係菇,有d仲生到拳頭咁大…黃金壁脊前既石台,係一賞靈猿守谷,金毛狗峽既最佳位置。

菇。

棄迷徑轉上黃金壁脊,隨住高度攀升,左邊先後會出現駝峰,吊手岩北脊中段企稜,以及羊首岩。

黃金壁脊近頂一段有好茂密既南華杜鵑林,但今年似乎黎得遲左少少,好多花已經白到將近凋零。

南華杜鵑,花蕾呈鮮紅色,成熟既花呈粉紅色,然後慢慢褪色變白,直至死亡。

華麗杜鵑,雖然無南華杜鵑咁珍貴,但落葉小灌木枝頭上既淺紫色花朵真係非常華麗。

一蔟蔟南華杜鵑。

接返吊手岩大路,東行一登牛押山,沿途有唔少羊角杜鵑,可惜一路都見唔到有花。牛押山頂食霧大休,休後過馬鞍頭,濃霧中隱若見到隔離馬頭坑澗源既谷地有一片極艷麗既花海,好仙,但為左貫徹閒遊模式,唯有放棄…陰濕天持續,順手放棄埋礦場脊,落到馬鞍坳接麥徑南行。

最後經昂平坳落山完成,搭村車出馬鞍山t模式。

bkppl

top