• 半日閒潭
• 2005年02月26日
• 艱險指數
• 念慈指數
• 庵友：流瑤翀
• 修行路線
• 

＊大潭郊野公園，係一家大細散步既好地方。二月尾既假期，趁涼意未消，三人去大潭湊下熱鬧，細賞湖光山色。

＊塘口起步，散步入塘尾，經過幾道典雅既英式古橋。

＊冬天乾水，可以直剷落塘尾橋底入溯雙潭，左邊望入去會見到中塘條壩。無耐經過一個小深潭，環境十分清幽。

＊轉個鏡頭已經到左碧水潭，大休食包。愚蠢既藍刀不斷被暗算，真係陰功…

＊碧水灘，太出名，唔駛多講，無水就當然要中路直上。

＊碧水灘之上仲有半葉潭，上接半葉瀑，瀑頂已經係副塘壩底，右手邊任意離澗。

＊過中塘主壩睇下風景，之後落女路接下路，途中會經過一條大澗，潭崗石澗。

＊沿澗落幾步會發現下臨深峽，斷塹成瀑，名瀑潭崗飛瀑是也。一場黎到，右邊大路落瀑底影下相。

＊冬天水量仍然唔錯，垂直既瀑壁上面飛絮輕飄，瀑態優美，不愧為名瀑。繼續沿下路出大潭道，壩邊石級落壩底，坐低欣賞下面前宏偉既古建築，真有閒情逸緻。

＊玩完條壩，漫步上返塘口，回到起點。