• 與華麗邂逅
  • 2008年03月24日
  • 艱險指數
  • 念慈指數
  • 庵友:住持,張曉
  • 修行路線
  • Bookmark and Share

大地回春,又係時候上山賞花。由於上年等到花兒也謝了先有時間黎個雁谷杜鵑緣,今年決定提早上山拜會,希望一睹馬鞍山上最華麗既花海。

一如所料,最後只有無視高考陰霾既二人冒住跌兩個grade既危險出席賞花活動…馬鞍山市起步,橋底捷徑上山接良友路。

沿良友路飛奔上燒燒場,但見唔到王友良…

燒烤場後上山,先棄吊手岩沿雁谷迷徑橫移。

轉至陰深既北麓,進入雁谷領域,迷徑遇到既第二道乾坑就係傳說中既金毛狗峽(第一道為石壘峽)。進入金毛狗峽,初段為一般既碎石乾坑,小心落石既話問題唔大。

沿乾坑上攀,未幾,兩邊既樹林突然變成百尺絕壁,好一個胡同絕峽既格局。絕峽之中藏有一攀爬位置,十分陰濕,但手腳位良好,難度唔大。金毛狗峽近頂一段有好多疑似係出路既小分支,唯有跟住前人既絲帶沿中間偏左路線行進。

一捐出黎就會見到峽頂既吊手岩大路,隔離既懸空石台狀物體就係指門石,造型一絕,的確係耍大極既良地…

完成金毛狗峽,沿吊手岩大路上山,路邊開始出現唔少零零碎碎既華麗杜鵑,非常搶眼。

吊手岩頂前左轉下降黃金壁脊,脊頂附近繁茂既南華杜鵑林仍然處於無花植物既狀態,睇唔到南華花海真係唔開心。沿脊下降,除左少量既華麗杜鵑之外,並無其他,睇黎今日既花況唔係咁樂觀…落落下見到有直昇機不斷徘徊,相信係牛烏澗谷附近有人需要天鳥…

正當張曉落山落到崩潰之際,住持已經落到迷徑之上既礦區眾裡尋花千百度。紅葉白花既香港杜鵑,可謂別有味道,十分優雅脫俗。

落到迷徑石台,沿迷徑東行,轉入折雁峽乾坑大休。大休期間見到兩位消防員哥哥full gear路過,如此既服務精神真令人敬佩。

大休後轉上吊手岩北脊,張曉繼續崩潰…吊手岩北脊直削如劍,中段一連串既懸空石台甚具氣勢,左牛烏右折雁峽,兩邊皆為深淵。石脊之中出現唔少香港杜鵑,花況似乎比隔離黃金壁好。

沿脊直指吊手岩頂,張曉繼續崩潰,住持見狀唯有報以恥笑…

沿吊手岩大路登上馬尾,好harsh既一段,張曉繼續崩潰,幸好路邊不時有三數株怒放中既羊角杜鵑相伴。但係要親近羊角杜鵑,相對地有一定既難度,因為佢地通常都生得頗為高大,不時還隱居於密林之中。

羊角杜鵑。

好戲在後頭,踏上馬尾之巔,向馬頭方向極目遠望,驚見馬背上佈滿著一簇二簇既華麗杜鵑,山間映照著一片片艷麗既淺紫色,好一片華麗既花海。

華麗杜鵑。

從鞍背直指馬鞍之巔,又係攀升既時間,這時候,張曉徹底崩潰了…=_=

與華麗邂逅…

登峰造極後沿大路落山,馬鞍坳前右轉礦場脊。

羊角杜鵑,淡淡既花瓣加上鮮橙色既insect guide,十分漂亮可人。

礦場脊既初段亦係一片萬紫千紅既花天花地,極華麗既花海。

最後經廢礦場下降至拍戲位,良友路出馬鞍山市完成。

bkppl

top