• 柏架
  • 2006年02月02日
  • 艱險指數
  • 念慈指數
  • 庵友:住持
  • 修行路線
  • Bookmark and Share

柏架山,讀音『〔婆北切〕假山』,土名駝峰,筆架山,山巔由呈環狀群峰組成,主峰居西南端,高海拔五百三十二米,為港島東部最高峰。

十一點半則魚涌起步,沿柏架山道上行,遇到一間流動行山用品店,貨品林林種種,一蚊可以買到襪褲,十蚊仲可以買到頭巾同營燈,平到你唔信…

無窮無盡既斜路。

上到大風坳,沿馬路向柏架之巔進發。

十二點半終於到頂,先上新波,圍住新波公轉一個圈,南半圓有幾個位可以望到腳下既崖壁。行落五零七睇下風景,發現東面落大山尾條路已經愈黎愈密。

轉完新波轉舊波,記憶所及,以前既舊波係綠色架,靚過而家好多。東半圓一邊可以望返新波五零七下面既列崖,極有氣勢,遲下有必要一探。貫徹大路閒遊模式,放棄主峰,沿馬路落返大風坳。

天梯登畢拿山,咁多條天梯我諗呢條算無咁天。畢拿山讀音『畢拉山』,土名大馬山,係一個高海拔四百三十六米既圓錐體…

三岔口轉走衛徑北行,過小馬山後落金督馳馬徑,逆時針綑走,山坳位一登旅程既最後一站,紅香爐峰。

紅香爐峰高海拔二百二十四米,港島北部最突出既小山丘,正對維港,視野無阻,而且鄰近市區,實在係賞夜景煙花既首選之地。最後山坳出聖貞德落山t模式,時間剛剛好兩點半。

bkppl

top